संगणकाचे प्रकार

आता आपण सध्याच्या युगात अस्तित्वात असणारे वेगवेगळया प्रकारचे संगणक पाहू. जरी हे सर्व संगणक पाचव्या पिढीतील असले तरीही त्यांचा आकार, मेमरी, क्षमता इत्यादी बाबींनुसार त्यांची विभागणी करण्यात आलेली आहे. हे संगणक खालील भागात विभागले गेलेले आहेत.

संगणकाचे प्रकार

१ मायक्रोकॉम्प्युटर २ मीनीकॉम्प्युटर ३ मेनफ्रेम ४ सुपरकॉम्प्युटर

१ मायक्रोकॉम्प्युटर :-

संगणकाचा वेग किंवा साठवण्यिची क्षमता यावरुन त्या संगणकाचे प्रकार पडतात. संगणकाचा वेग किंवा साठवण्यिची क्षमता याचा विचार केल्यास मायक्रोकॉम्प्युटर सर्वात खालच्या स्तरावर येतो. ८-बीट मायक्रोप्रोसेसर च्या चीपचा वापर करून पहीला मायक्रोकॉम्प्युटर बनविला गेला. मायक्रोकॉम्प्युटरचे सर्वात चांगले उदाहरण म्हणजे आपण घरी वापरणारा पर्सनल कॉम्प्युटर (PC) होय. हा `पीसी` अनेक इनपूट आणि आऊटपूट साधने देतो. सध्याच्या मायक्रोकॉम्प्युटरच्या चीप मध्ये बदल होऊन त्या १६-बीट,३१-बीट आणि ६४-बीटच्या झाल्या आहे. याचे उत्तम उदाहरण म्हणजे IBM PC, PC-AT इत्यादी.

२ मीनीकॉम्प्युटर :-

हे संगणक एका वेळेस एकापेक्षा जास्त लोकांना वापरता येते.यांमध्ये खुप मोठया प्रमाणात माहीती साठविता येते. आणि त्याचा वेगही प्रचंड असतो. हे संगणक एखाद्या कंपनीत उपयुक्त ठरतात. तसेच ते लोकल एशिया नेटवर्क (LAN)मध्ये वापरता येतात.

३ मेनफ्रेम :-

या संगणक मध्ये ३२-बीट मायक्रो प्रोसेसर वापरलेला असतो. त्यांचा वेग प्रचंड असतो, माहीती साठविण्याची क्षमताही खुपच जास्त असते आणि अनेक लोकांचा ताण हे संगणक सहन करू शकतो. हे संगणक शक्यतो केंद्रिय डेटाबेसमध्ये वापरले जातात. तसेच ते `वाईड एरिया नेटवर्क `(WAN) मध्येही वापरले जातात. मेनफ्रेम संगणकाची उदाहरणे म्हणजे DEC, ICL आणि IBM ३००० series होय.

४ सुपरकॉम्प्युटर :-

सुपर कॉम्प्युटर हे सर्वात जास्त वेगाने काम करणारे आणि सर्वात महागडे मशीन आहे. त्याची प्रक्रिया करण्याची क्षमता इतर संगणकांपेक्षा जास्त असते. तसेच यामध्ये एकावेळेस अनेक प्रक्रिया करण्याची क्षमताही असते. सुपर-कॉम्प्युटर बनविण्यासाठी शेकडो मायक्रोप्रोसेसर एकापाठोपाठ एक जोडावे लागतात. या संगणकाचा वापर हवामानाचा अंदाज दर्शविण्यासाठी, जैववैद्यक शास्त्रातील संशोधन, विमानाची रचना बनविणे, शास्त्र, तंत्रज्ञान इत्यादी क्षेत्रात होतो. सुपर-कॉम्प्युटरची उदाहरणे म्हणजे CRAY YMP, CRAYZ, NEC SX-3 CRAY XMP आणि भारतातील परम होय.